مسجات العيد

السلام عليكم ورحمة الله وبركاته

يالسة و أحوس النت علشان أحصل مسجات للعيد

لأول مرة في حياتي

لأني متعودة الناس أطرشلي وأرد أطرشهم :)

بس المره محد طرش

وما أدري شو هذي العادة إلى فيني

للعلم في ناس أسبشل لازم أدقلهم أول يوم العيد

للحينا حصلت كم مسج يمشون الحال مع بعض التحسينات ...

وهم:

*كل عيد والخير دربك وممشاك...

*والبسمة دوم ما تفارق شفاك...

*وجنة ربي هي سكناك...

{*} كل عام وأنت من الله أقرب {*}

~~~~~

إقرأ الرساله بعد صلاة العيد~

لا تعاند ~

آخر تحذير~

خلاص ~

عيدك مبارك وعساك من عواده =]

~~~~~

.,.لله يتقبل اعمالك.,.

.,.ومبارك عليك العيد.,.

.,.ويعود عليك بصحه وسعاده.,.

.,.وعمر مديد.,.

****

وقولوا باي باي للرصيد :)

جربها

بداية حلوة لحملة ركاز في الإمارات

أمس شفت الإعلان في كل مكان حاطينها

وما صدقة عيوني لما شفته

يوم الأحد بيلقى الشيخ سليمان الجبيلان محاضرة في جامعة الإمارات

وهذا بداية التعاون إتحاد الوطني لطلبة الإمارات مع حملة ركاز في الإمارات

وإن شاء الله بكون هناك

:)

جامعيات

السلم عليكم ورحمة الله

مغامرات و سوالف وأشياء يديده وغريبة



كل يوم أنشوفها ونسمعها ونقراها في جامعتنا



الجامعة شيء غييييييييييير



على قولتهم أنفتاح على العالم الخارجي :)



وصاحبة المدونة الله يسلمكم من الشر طالبة جامعية



في جامعة الإمارات وأعيش في السكن شبيه بالسجن

يعنى أشوف ناس في حياتي ما فكرة ولا حسيت أني بعيش معاهم



الحمد لله ثم الله يخلي الحكومة ويرحمة بابا زايد على هذا الخير



وإن شاء الله بخبركم عن سوالف الجامعة والسكن وكيف هي شيء غييييييييير





وتحياتي لكم =-]

وين شفتها؟.؟

شو يكون ردة فعلكم لما أتشوفون شخص من بعيد مب غريب عليكم

وتيلسون أتفكرون وين شفته وين وين؟.؟.؟

لين ما توصولون عنده ويمد أيده ويسلم ويسأل عن أخباركم

ويقول أسمك وبكل سهولة وأنتوا بعدكم أتفكرون وين شفته؟.؟

هذا الموقف أستوالي قبل كم يوم شفت وحدة أذكر أنها من نفس المدرسة إلى درسة فيها

بس شو أسمها والله للحينا ما أعرف ولا حتى أعرف كيف عرفة اسمي ولا بعد تعرفني أني من القسم العلمي.!.!.!

والله يسامح الذاكرة التعبانة إلى مب مستفيده منها

للأسف ما تجرأة وسألتها عن اسمها يمكن لأني أخاف أتفشل أو ردة فعلها

وإن شاء الله لو شفتها بسألها والله كريم......

لو أنتوا كنتوا مكاني شو بتسوون؟.؟.؟